नारायण भण्डारी हङकङ २१ फेब्रुअरी २०२२
हङकङ स्वास्थ्य विभागको सेन्टर फर हेल्थ प्रोटेक्शन (CHP) का डा अल्बर्ट औ का विङले आज ४ः३० बजेको नियमित कोरोना अपडेट पत्रकार सम्मेलनमा ७,५३३ नयाँ कोभिड-१९ पुष्टि भएको घोषणा गरेका छन। जसमा २० केसहरूमा डेल्टा भेरियन्ट रहेका छन।
अझै सम्मपनि ३ हजार ८ सय ३ बिरामी अस्पतालमा भर्ना भइरहेका छन् । पेनीबेको क्वारेन्टिनमा २१०० भन्दा बढी बिरामीहरूलाई क्वारेन्टाइनमा राखिएको छ। डोर्सेट होटल चुन वानमा थप २ सय बिरामीलाई क्वारेन्टाइनमा राखिएको छ ।
पछिल्लो २४ घण्टामा ११ महिनाको वच्चा ९७ वर्षका ७ पुरुष र ६ महिलासहित १३ जनाको मृत्यु भएको छ । ११ महिनाको शिशुलाई यसअघि चुन क्वान ओ अस्पतालमा भर्ना गरिएको थयो। उनको अवस्था बिग्रँदै गयो र हिजो साँझ ६ः५९ मिनेटमा उसको निधन भएको हो । सार्वजनिक अस्पतालमहरुमा रहेका आइसोलेसन बेडको प्रयोग ९२ प्रतिशत पुगेको छ ।
फेब्रुअरी १५ मा, हङकङ बाल अस्पतालको बाल चिकित्सा सघन हेरचाह इकाईमा अस्पतालमा भर्ना भएकी कोभिड-१९ संक्रमित ३ वर्षीया बालिकाको मृत्यु भयो। प्रारम्भिक सकारात्मक परीक्षण गर्ने अर्को ४ वर्षीय वालकको पनि पहिले नै मृत्यु भयो।
यसरी वालबालीकाहरु पनी कोरोनाको संक्रमणको कारण सिक्स्त बिरामी पर्ने र मृत्यु समेत हुन थालेपछि ज्वरो आएका वा कोरोना लागेका बच्चाहरुलाई तुरुन्तै नजिकैको अस्पतालमा पुर्याउएर उपचार गराउनाले छिट्टै बिरामीको अवस्थामा सुधार आउछ।