भोजराज जि.सी. वुटवल २८ चैत्र २०७८
बुटवल -०८, शुक्खानगर, स्थित भनभने (गुल्मी) सम्पर्क समाज, रुपन्देही को कार्यालयमा आज एक कार्यक्रम का विच संस्था द्वारा प्रकाशित २०७९ सालको भित्तेपात्रो विमोचन तथा शुभकामना आदानप्रदान कार्यक्रम सम्पन्न भयो।
उक्त कार्यक्रम मा संस्था का अध्यक्ष लोकनाथ पन्थी को अध्यक्षता, समाजसेवी तथा ज्येष्ठ नागरिक युवराज घिमिरे को प्रमुख आतिथ्यता, निवर्तमान अध्यक्ष प्रेमचन्द्र पौडेल, वरिस्ठ सल्लाहकार विष्णु घर्ती ‘भनभनेली’, सल्लाहकार बुद्दिराम पराजुली, संस्थापक अध्यक्ष नुदराज पन्थी लगायत संस्थाका सम्पुर्ण पदाधिकारी हरुको उपस्थिति रहेको कार्यक्रममा संस्था का प्रथम उपाध्यक्ष सावित्रा देवि पन्थी को स्वागत मन्तब्य, सह सचिव तथा भित्तेपात्रो प्रकाशन समिति का संयोजक पदम जी सी ले भित्तेपात्रो प्रकाशन मा लागेको खर्च तथा प्राप्त बिज्ञापन विवरण प्रस्तुत गर्नुभएको थियो भने सल्लाहकार, संस्थापक अध्यक्ष, निवर्तमान अध्यक्ष, प्रमुख अतिथि तथा संस्था का अध्यक्ष ले सम्पुर्ण नेपालीहरुलाई आउंदै गरेको नयां वर्ष २०७९ को मंगलमय शुभकामना तथा धन्यवाद मन्तव्य राख्नुभएको थियो।
कार्यक्रम मा बोल्दै वक्ताहरुले गत चैत्र ५ गते सम्पन्न पांचौ साधारण शभा तथा तेस्रो अधिवेशन बाट सर्वसम्मत निर्वाचित कार्यसमिति ले चैत्र १२ गते बैठक राखि सम्पुर्ण कार्य सम्पन्न गरी निर्णय भएको आज १६ दिन मै भित्तेपात्रो विमोचन गर्न सफल हुने नयां कार्यसमिति को जोश, जांगर र समुदाय प्रती समर्पित भावना को खुलेर प्रसंसा गर्दै धन्यवाद दिनुभएको थियो।
कार्यक्रम सन्चालक तथा संस्थाका सचिव भोजराज जि सी ले आगामी एक हप्ताभित्र भनभनेवासी सम्पुर्ण को घर घर मा भित्तेपात्रो पुर्याईने समेत जानकारी दिनुभयो।
संस्थाले नियमित रुपमा यस्ता समाजिक सेवामुलक कार्यहरु गर्दै आईरहेको छ, दोस्रो स्वर्गद्वारी धाम स्नान स्थल अस्कुना मा मन्दिर निर्माण मा आर्थिक सहयोग, दिपक मा वि भनभने मा कक्षा ११,१२ सन्चालानार्थ आर्थिक सहयोग, सम्पुर्ण जानकारी समेटीएको ‘भनभने महिमा’ पुस्तक प्रकाशन, तिज विशेस दर खुवाउने कार्यक्रम लगायत का विभिन्न कार्यक्रम हरु पनी सम्पन्न गरिसकेको छ।