नारायण भण्डारी ५ मार्च २०२२
हङकङ स्वास्थ्य विभागको सेन्टर फर हेल्थ प्रोटेक्शन (CHP) का डा अल्बर्ट एयुले दैनिक आयोजना गरेको कोरोना अपडेटको पत्रकार सम्मेलनमा आज १६ः३० बजे ३७,५२९ नयाँ कोभिड-१९ पुष्टि भएको घोषणा गरेका छन्। तीमध्ये ६ जना मात्र आयात भएका छन् भने बाँकी सबै स्थानीय कोरोना संक्रमित हुन। हालसम्म हङकङमा कोरोना संक्रमितको संख्या ४२७,९७८ पुगेको छ।
हङकङमा पाँचौं लहरमा जम्मा १ हजार ५ सय ६१ जनाको मृत्यु भएको लगभग ०.३६% मा थियो। मृतक बिरामीहरूमा ११ महिनादेखि १०८ वर्ष उमेरका ९६१ पुरुष र ६०० महिला ८५ वर्षको औसत उमेरका थिए। तीमध्ये ६ बालबालिका र ४ जना १० वर्षभन्दा कम उमेरका थिए। १८ देखि ६९ वर्षका करिब ७७ र ९४ प्रतिशत ६५ वर्ष र सोभन्दा माथिका र १०७३ मृतक बिरामी ८० वर्षभन्दा माथिका थिए। मृतकमध्ये १ हजार ३ सय ४४ अन्य दीर्घकालीन रोगबाट पीडित थिए ।
नयाँ पुष्टि भएका मध्ये ३ हजार ७ सय ४ जना अस्पताल प्राधिकरणबाट, २ हजार १०२ जना स्वास्थ्य विभागको जनस्वास्थ्य प्रयोगशालाबाट र ३१ हजार ७२३ निजी प्रयोगशाला वा सामुदायिक परीक्षण केन्द्रबाट प्रत्यक्ष पुष्टि भएका छन् । परीक्षण गरिएका १९९६ केसहरू मध्ये २ केसहरू डेल्टा भेरियन्ट समावेश थिए। १६३१ केसहरू ओमिक्रोन भेरियन्टमा समावेश थिए, ३६३ केसहरू अझै परीक्षण भइरहेको थियो वा भाइरल लोड परीक्षण गर्न धेरै कम थियो।
यसैबीच, ७ हजार २ सय १५ बिरामी अझै अस्पतालमा भर्ना भइरहेका छन् । पेनी बेमा करिब २,००० बिरामीहरूलाई क्वारेन्टाइनमा राखिएको छ। हालसम्म ६१ जना बिरामीको अवस्था अतीगम्भीर छ (४५ जना खोप नलगाइएका) र तीमध्ये १०९ जना अझै गम्भीर अवस्थामा छन् (७७ जना खोप नलगाइएका )।
पछिल्लो २४ घण्टामा १५० बिरामीको मृत्यु भएको छ । तिनीहरू ३२ देखि १०५ वर्षका ९० पुरुष र ६० महिला थिए। तिनीहरूमध्ये ८२ आवासीय हेरचाह गृहका थिए। जसमध्ये १०९ जनालाई खोप लगाइएको छैन । तीमध्ये २१ जनालाई पूर्ण खोप लगाइएको थियो भने १९ जनाले एउटा मात्रै खोप लगाएका थिए । मृतक बिरामीमध्ये ३२ वर्षीया महिलालाई ३ वटै खोप लगाइएको थियो । १३७ मृतक बिरामी ६५ वर्षभन्दा माथिका थिए ।
हालसम्म जम्मा ७ सय ४५ बिरामी डिस्चार्ज भइसकेका छन् । हालसम्म अस्पतालको शय्याको ८६.३% पूर्ण रूपमा प्रयोग भइसकेको छ। यसैबीच, भर्ना स्क्रिनिङका क्रममा ३० जनाभन्दा बढी बिरामीमा पोजेटिभ देखिएको छ भने ४० भन्दा बढी नजिकका सम्पर्कमा आएकालाई क्वारेन्टाइनमा राखिएको छ ।
यसैबीच अस्पताल प्राधिकरणअन्तर्गतका आठ हजार ५६ कर्मचारीमा कोभिड–१९ पोजेटिभ देखिएको छ । जसमध्ये १ हजार २८७ निको भएर काममा फर्किएका छन् ।