नारायण भण्डारी हङकङ १५ जुलाई २०२२
हङकङमा हिजो १४ तारिखका दिन राति करिब ११ बजे शाम शुई पोको वोङ चुक स्ट्रिट र लाइ चि कोक रोडको मिलन हुनेठाऊ जंक्शनमा एक्कासी झगडा सुरु भएको थियो।
४८ वर्षिय चेउङ थरकी एक महिलालाई एक ५१ वर्षिय पुरुषले आक्रमण गरेका थिए । चेउङसँगै रहेका ७० वर्षिय लेउङ थरका एक व्यक्ति उनलाई रोक्न अगाडि आए र त्यहा एकै साथ तीनैजना सडकमा झगडा गरे र त्यसै समयमा त्यतै रहेका कोहि व्याक्तिले तत्काल घटनाको वारेमा प्रहरीलाई जानकारी गराए। प्रहरी घटनास्थलमा पुगेर स्थिति नियन्त्रणमा लिएको थियो ।
अनुसन्धानपछि सार्वजनिक स्थलमा झगडा गरेको आरोपमा २ जनालाई पक्राउ गरेको हो । ५१ वर्षीय व्यक्तिलाई सार्वजनिक स्थानमा सामान्य आक्रमणको आरोप लगाइएको थियो। घटनास्थलमा एक जोडी चप्पल र धेरै फलफूलहरू छोडिएको थियो। लेउङलाई खुट्टामा चोट लागेको थियो र अस्पताल पठाइएको थियो भने प्रेमीका चेउङको टाउकोमा चोट लागेको थियो र ५१ वर्षीय व्यक्तिको टाउको र शरीरमा चोट लागेको थियो।
घाइते दुवैले सामान्य उपचारपछि अस्पताल जान मानेनन । उक्त मुद्दा अनुगमनका लागि शाम शुई पो जिल्ला अपराध अनुसन्धान टोलीलाई बुझाइएको छ । घटनास्थलमा रहेका स्रोतका अनुसार ती दुई पुरुष एकै समयमा उक्त महिलासँग प्रेम सम्बन्धमा संलग्न थिए भन्ने बुझिएको छ सत्य तत्थ्य पक्कैपनी अनुसन्धानपछि सार्वजनिक हुनेनै छ ।