नारायण भण्डारी हङकङ ७ सेप्टेम्वर २०२२
हङकङको साउ माउ पिङको एन्डरसन रोडमा रहेको निर्माणस्थलमा बुधबार बिहान एउटा ठूलो टावर क्रेन खस्दा कम्तीमा दुई निर्माण मजदुरको मृत्यु भएको छ भने अन्य छ जना घाइते भएका छन।
आज बिहान १०ः५४ बजे भएको घटनाले निर्माणस्थल भित्र रहेका कैयौं कन्टेनरमा क्रेन खसेर धेरै कामदार भित्र फसेका थिए।
प्रहरीले दुई कामदारको मृत्यु भएको पुष्टि गरेको छ भने ६ जना घाइते कामदारमध्ये एक बेहोस अवस्थामा फेला परेको प्रहरीले जनाएको छ । सात एम्बुलेन्सहरू तैनाथ गरिएका थिए, र फसेका पीडितहरूलाई उद्धार गर्न अग्नि नियन्त्रकहरूलाई बोलाइयो।
घटनालाई औद्योगिक दुर्घटनाको रूपमा वर्गीकृत गरिएको छ, र अधिकारीहरूले घटनाको कारण अनुसन्धान गरिरहेका छन।